قصه الدمية القاتله (كامله) الدمية القاتله – الدميه القاتله انا ياسين ودي قصتي مع دميتي انا كنت طفل بعشق الدميات والعرايس
وبحب العب بيهم جدا لاني كنت وحيد
وبحس بيهم انهم اخواتي او اصحابي
وكنت ديما بتمنى يكون عندي دميه بتتحرك وبتتكلم
وفي يوم من الايام امي اخذتني لمحل لبيع الأثاث القديم
كان عجبها كرسي هناك
وكان الكرسي دا عليه دميه قديمه جدا
امي سئلت الراجل الكرسي دا بقالو كام سنه
قالها دا بقاله 20 سنه موجود بنفس الهيئه دي
قالت طب والدميه الي عليها
قالها ولكن الدميه بقالها 150 سنه
قالتله ازاي مستحيل الكلام دا وبعدين باين انها مش قديمه اووي كدا
قالها دا الي جاني من البائع الدميه وحكالي على قصتها
امي وانا شدنا الفضول نعرف القصه
قالها الدميه دي كانت مع عائله بريطانيه من اكتر من 150 سنه
بس بعد فتره من تواجد الدميه في البيت
بقت بتحصل حجات غريبه اوووي في البيت اللي عايشين فيه العائله
كانو ساعات بيسمعو ابنهم بيكلم الدميه والدميه بتكلمه
واول ما كانو بيفتحو الباب كان الصوت بيختفي
ويسئلو الطفل يقولهم كنت بكلم هيبل صديقي
فضلو شهور على الحال دا
يسمعو ابنهم بيتكلم مع الدميه
وفي يوم الاب حب يتلصص على ابنه
لقى ان الدميه حطا ايديها على رقبته وعاوزه تخنقه
دخل بسرعه على ابنه لقى الدميه نايمه على الكرسي الي في الاوضه
الوضع بقى صعب جدا في البيت
غير أن كل يوم كانو يسمعو تكسير في المطبخ
واطباق بتقع وازاز بيتكسر
ويروحو يلاقو ان الدميه نايمه على الأرض
فكرو كتير ان هما يرموها
او ان هما يخفوها نهائيا
بس كان الأوان فات
الابن اتعلق بيها جدا
ومكنش يقدر ينام من غيرها
في يوم الاب والام فكرو انهم يقطعوها حتت
عشان لو اتشوهت ابنهم ها يكرهه ويسبها
ابنهم نام اخذو سكاكين ودخلو الاوضه
والأب مسك ايد الدميه وقرب على أنه يقطع ايدها
راحت الدميه باصه ليه جدا وضحكت
هوا والأم اترعبو جدا من الي شافوه
بعدو عنها خالص واخذو ابنهم ينام معاهم وقفلو الباب ومشيو
معرفوش ينامو اليوم دا من الخوف الي شافوه
حسو ان في حد بيفتح الباب
وقربت عليهم وذبحت الاب والام والابن بطريقه بشعه
وبعد يوم البيت كله ولع
ولقو الدميه برا البيت مرميه جمب شجره
دا الي حصل او الي اتحكالي عن الدميه
فا امي سئلتو وأخدتها ليه لما هيا كدا
قال انا مبصدقش الكلام دا كل دا تخاريف وقصص
امي سكتت شويه وبعد كدا قالت تمام عاوزه الكرسي
انا شوفت الدميه عجبتني اوووي اوووي
كان شكلها لطيف وطفولي اووي
مش زي اي دميه شوفتها في حياتي
قولت لأمي اني ها اخد الدميه
رفضت شويه وبعد كدا وافقت
اخدتها وروحنا البيت
كانت دافيه دفا مش طبيعي زي اي دميه
بس عادي المهم اني اخدتها وها تنام معايا
امس شافت شكلها قالت مقرفه جدا الدميه دي
لازم تتنضف الأول عشان تكون كويسه تلعب بيها
قولتلها لا انا عاوزها كدا
قالتلي مستحيل تكون معاك بالشكل دا
لون دم على هدومها وطين وإجراء متبهدله
ها انضفهالك واجيبها
نضفتها وبعد كدا جبتهالي نضيفه جدا
اخدت الدميه ونمت
بس حسيت ان ايد الدميه على وشي
صحيت مخضوض ببص لقيت ايدها على وشي
وبصالي جامد اوووي انا حاسس ان فيها حاجا غلط
انا بعدتها عني شويه ونمت وانا خايف من الي حصل
صحيت الصبح اتصدمت من الي شوفته
لقيت الدميه كانت قريبه جدا مني مع اني بعدتها عني خالص وشيلتها من على السرير
ازاي وصلت لحضني وبين أيدي
انا خايف اوووي من الي بيحصل دا
كنت عاوز اقول لامي بس خوفت تقولي انتا اختيارك كان غلط وتغضب عليا فا سكت
اكلت واخدت الدميه معايا ولعبت بيها وبليل حطيتها ما بين الدميات الي عندي ونمت
صحيت مفزوع على صوت جامد اووي في اوضه اللعب والدميات
لاقيت الدميات كلها متقطعه ما عادا هيبل هوا الي كان سليم ومفيش فيه خدش
قولت اكيد الي حصل دا من الكلب الي في البيت
ومشغلتش دماغي واقفلت على هيبل ونمت
صحيت لقيت نفس المشهد هيبل في حضني وبين أيدي
وكأني انا الي جيبته وشيلتو ونيمته في حضني كمان
طب ازاي وانا قافل الباب عليه جه هنا ازاي
انا بقيت خايف جدا من الدميه دي
بس مش عارف ليه بحس اني عاوزها
او عاوز اني أقرب منها مع اني خايف منها جدا
انا حاسس انها بتتحكم فيا
ولقيتها مره وحده حركت دماغها عليا وفضلت بصالي
انا اترعبت وسيبتها وطلعت برا الاوضه
وقعدت مع اهلي وانا مرعوب
امي سئلتني مالي ولسه مخضوض اووي كدا
انا خوفت اقولها روحت قايل شوفت فأر فا خوفت
ضحكو وكأن مفيش حاجا حصلت واكلت وخرجت
وانا برا ببص على اوضتي لقيته باصص من الازاز عليا
انا الخوف كان متمالكني ومكنتش عاوز اقعد في البيت
انا في وقتها كنت طفل بس كنت بفكر في حجات كتير
انا لو قولت لأمي على الي شوفته ها تقولي انتا السبب اني اجيب الدميه دي هنا
دخلت البيت طبيعي وبدأت افكر ازاي اخفيها للأبد
نمت بعيد عن الدميه خالص وحلمت حلم رعبني اووووى
لقيت اني في مكان مظلم وغريب اووي
وبينقط دم من كل حته فيه
والسقف بينزل دم كتير اوووي
ببص كويس على السقف لقيت امي وابويا جسمهم متقطع ومتعلق
والدميه واقفه في آخر الطرقه معاها سكينه
وهجمت عليا وحطت السكينه في قلبي
انا قومت مفزوع من الكابوس دا
لقيت الدميه على الكرسي
خوفت جدا على اهلي
وقولت انا لازم اقولهم حالا
روحت وقولتلهم على الي حصل والي شوفته
ضحكو طبعا عليا وقالو اني طفل
واني اروح انام
قفلت الباب بتاعهم ومشيت وانا ببكي من خوفي عليهم
سمعت صوت جاي من المطبخ
جريت لقيت الدميه نايمه وماسكه سكينه
دي نفس السكينه الي كانت في الحلم
اكيد هوا عاوز يقتلنا
دخلت اوضتي بسرعه وقفلت على نفسي
وكنت خايف اوووي
نمت وتاني يوم صحيت على صوت امي
فطرت وزي كل يوم اخدت أوراق الرسم
وبدأت ارسم واخطط
روحت الحمام رجعت لقيت هيبل قاعد قصاد الورق
ومكتوب في ورقه من الورق
هيبل لا يقتل من احبه
هيبل احبك واحب عائلتك
اذا جعلتني اغضب سوف اقوم بقتلك وقتل عائلتك
لا تتركني مره اخرى خارج الغرفه
اخذت الورقه ووريتها لأهلي وقولت ان هيبل الي كتبها
مصدقوش كلامي وسابوني ومشيو
انا اخدت الدميه ودخلت الاوضه وقفلت الباب
وفضلت اتكلم مع الدميه وهيا تتكلم معايا
وتعلقت بيها اكتر بعد ما كنت خايف منها
وبدأ اهلي يلحظو اني بقيت اقعد في الاوضه كتير
ويسمعو صوتي وصوت حد كبير في السن قاعد معايا
وكل ما يخشو ويسئلوني بكلم مين اقولهم هيبل
وفي يوم امي قررت تاخد الدميه من غير ما احس وتوديها مكان ما جابتها
وعملت كدا واخدت الدميه وودتها المحل وسابتها ومشيت
انا عرفت وزعلت جدا وعملت مشكله معاهم
وقفلت اوضتي عليا وانا ندايق منهم جدا
بس بعد فتره من الوقت
سمعت صوت صويت جامد اوووي جاي من برا
طلعت ابص لقيت هيبل الدميه قاتل ابويا
وقاطع رجل امي وهيا عماله تنزف
خوفت جدا وهوا قرب عليا عشان يقتلني
هربت منه وطلعت جري أبلغ الشرطه
وجبتهم معايا بس لما وصلو كان قتلهم واختفي
امي كانت متقطعه
وكان ابويا متقطع ومتعلقين في السقف زي ما شوفت في الحلم
انا اغمي عليا ودخلت مستشفى
قضيت فتره كبيره جدا في المستشفى بسبب التعب النفسي
وجت عائله اتبنتني وكبرت ودخلت جامعه وعيشت حياتي
بس كان مشهد موت اهلي على ايد هيبل كان ديما في عقلي واحلامي وعمري ما نسيته لحد هاذا الوقت لم يتم العثور على الدميه وانا لم انسى ما حدث
